訂造矯形鞋墊謬誤:硬鞋墊未必適合扁平足,可引腳趾麻痺、膝痛腰痛
矯形鞋墊訂造小知識:鞋墊越硬包得越高就一定好?小心越矯越痛,痛症隨時轉移!
近年發現一個幾有趣的現象:每年都會遇到不少客人,上嚟我哋診所求助,今日有位客人話:「我之前喺其他地方做咗對鞋墊,但真係硬到飛起,去修改咗幾次,著住嚟行路越著越痛……最後仲引至3,4,5腳趾麻痺,唯有過嚟你哋度,睇下仲有冇得救。」
聽到呢啲個案,我都心裏坦黑:矯正足部力線,真係唔係「夾硬嚟」就得,要得看實際情況。
翻返去正題——究竟矯形鞋墊係咪真係要硬?一定要托正先最岩?
答案當然不是。
(重點係:唔係用硬,用頂去矯正先幫到痛症㗎!)
為什麼鞋墊不能一味求「包得高」和「硬」?
理論上,鞋墊包得夠高、材質夠硬,確實可以好強硬咁將你下陷嘅足弓「托」返去看似正常嘅位置。但大家都忽略咗一個好關鍵嘅生物力學原理——足弓係需要彈性同空間去「避震」嘅。
即使係一個足弓完全正常嘅人,喺平時行路或者做運動嘅時候,足弓都會自然下陷(Arch Depression),呢個動作本身就係一個天然嘅Buffer(緩衝機制),幫我哋吸收來自地面的衝擊力,減輕足踝、膝頭以至腰椎關節嘅勞損。
如果你隻腳底完全失去咗呢個Buffer,行路就等如用骨頭同硬地死磕。衝擊力無法被足底消化,就會沿住力線一路向上傳。
結果會點?
身體為了適應呢種硬邦邦嘅壓力,就會逼住用其他部位去「代償」(Compensation)。最常見嘅情況係:腳底可能暫時唔痛,但痛症卻轉移咗去膝關節、髖關節(大腿骨頭位),甚至是下腰背!(真係顧得頭嚟腳反肚……)
訂造鞋墊的真正核心:Custom-made的平衡點
我常同客人講,鞋墊唔係「千層糕」,亦唔係包得越高越硬越好。適當嘅承托同硬度當然重要,但更重要嘅係要睇你嘅日常生活習慣、職業需要、平時著開咩鞋,以及你隻腳仲有幾多活動度。
一個經驗豐富嘅矯形師,喺設計鞋墊時,會全面評估:
足底力線與關節結構:係單純扁平足,定係寛扁足(Pronated feet)?關節硬定係鬆?
需要保留多少緩衝空間:如何喺「提供足夠支撐」同「保留足部自然避震能力」之間取得平衡。
生活與運動場景:行路多定站立多?要唔要放落不同鞋款?
矯形工具係幫你重整力線、分攤壓力,而唔係硬生生改變你嘅骨骼運作。如果強行用過份固定的承托去頂住足弓,只係將問題換個位置爆發出嚟。
如果大家對自己依家著緊嘅鞋墊有疑慮,或者行路成日覺得腳底、膝頭怪怪地,建議真係要搵專業人士仔細檢查清楚力線。
(最近臨床個案比較多,稍後有時間我再同大家分享更多關於鞋墊材質同鞋款配搭嘅常見謬誤!)
![]() |
![]() |
如有問題,歡迎whatsapp問我
歡迎瀏覽本中心網頁:www.alliedhealth-rehab.com
中心電話:852-26669508



